Céard é Lá na hEorpa?
Ar Lá na hEorpa, déantar comóradh ar Dhearbhú Schuman, a cuireadh i láthair an 9 Bealtaine 1950. Leis an dearbhú, cuireadh tús le ré nua do shíocháin, lánpháirtiú agus comhoibriú daonlathach san Eoraip, sin agus leagadh síos an bhunchloch don Aontas Eorpach mar atá aithne againn air sa lá atá inniu ann.
Chun ceiliúradh a dhéanamh ar chomóradh 75 bliana an Dearbhaithe in 2025, thug na hinstitiúidí Eorpacha cuireadh do shaoránaigh cuairt a thabhairt arís ar na foirgnimh agus chuig meascán imeachtaí a bheidh ar siúl ar líne agus ar an láthair sa Bhruiséil, in Strasbourg agus i Lucsamburg. Beidh gníomhaíochtaí breise ar siúl ar fud Bhallstáit an Aontais agus fud fad an domhain.
Cén chaoi a ndearnamar ceiliúradh air?
Trí shraith imeachtaí, gníomhaíochtaí agus spásanna téamacha, thug Lá na hEorpa deis do shaoránaigh cuairt a thabhairt arís ar na hinstitiúidí Eorpacha, eolas a chur ar an gcaoi a n-oibríonn siad ar bhonn laethúil, agus cur amach a fháil ar na beartais a mhúnlaíonn ár saol.
Sa Bhruiséil, i Lucsamburg, in Strasbourg, in Echternach agus in Frankfurt, bhí gach gníomhaíocht saor in aisce, agus ní raibh gá clárú.
Imeachtaí i do thírse
Rinneadh Lá na hEorpa a cheiliúradh freisin ar fud 27 mBallstát an Aontais agus fud fad an domhain.
Chun tuilleadh eolais a fháil faoi imeachtaí Lá na hEorpa a reáchtáiltear ar fud na hEorpa, tabhair cuairt ar shuíomhanna gréasáin Ionadaíochtaí an Choimisiúin agus Oifigí Idirchaidrimh Pharlaimint na hEorpa.
Le haghaidh gníomhaíochtaí a bhí ar siúl ar fud an domhain, féach ar thoscaireachtaí an Aontais agus ar Mhisin agus Oibríochtaí atá ar siúl faoi láthair.
Dé hAoine, an 9 Bealtaine, tugadh onóir don Aontas Eorpach freisin ag Taispeántas Domhanda 2025 in Osaka na Seapáine, le clár speisialta a léirigh saibhreas cultúrtha agus éagsúlacht chultúrtha na hEorpa.
Sa bhreis air sin, an 9 agus an 10 Bealtaine 2025 ag Vaalserberg – sliabh a bhfuil teorainn aige leis an mBeilg, leis an nGearmáin agus leis an Ísiltír – reáchtáladh imeachtaí chun ceiliúradh a dhéanamh ar Lá na hEorpa agus ar chomóradh 75 bliana Dhearbhú Schuman. Leag an ócáid béim ar chuid de bhunluachanna an Aontais, an tsíocháin, an aontacht, an daonlathas agus malartú cultúrtha ina measc, agus béim á leagan ag an am céanna ar a thábhachtaí atá an comhar trasteorann.
Gailearaí na meán
Open Doors Day at the European Institutions 2025Hadja Lahbib, on the right, and Thomas de Bethune 
Open Doors Day at the European Institutions 2025View of visitors at a stand 
Open Doors Day at the European Institutions 2025View of visitors at a stand 
Open Doors Day at the European Institutions 2025View of visitors in the Schuman room 
Open Doors Day at the European Institutions 2025View of participants holding flags
